| خود سے غافل ہوں مگر تجھ سے میں غافل تو نہیں |
| جانتا کچھ بھی نہیں پھر بھی میں جاہل تو نہیں |
| میں تری کھوج میں اک عمر سے کوشاں ہی رہا |
| جستجو حسن معانی کا یہ حاصل تو نہیں |
| بحر توحید نے دنیا کو عجب رنگ دیا |
| لوگ پاگل جسے کہتے ہیں وہ پاگل تو نہیں |
| ڈوب کر بحر خیالات میں دیکھا ہے تجھے |
| سامنے ہے مری نظروں سے تو اوجھل تو نہیں |
| اے خدایا تو مری ذات میں شامل ہے کہیں |
| میں تری ذات میں ہرگز کہیں شامل تو نہیں |
| روح جب عقل پہ ہو جائے گی حاکم تو کہیں |
| فاش انوار حقیقت ہوئے باطل تو نہیں |
| یہ تو مشکل ہے کہ احساس ہو لفظوں میں بیاں |
| تم جو چاہو کہ بیاں ہو تو یہ مشکل تو نہیں |
| رحمتیں ہیں تری عالم پہ محبت کے سبب |
| میں طلب گار ہوں دیون بھلے قابل تو نہیں |
| خرم بابا شکرگڑھی متخلص دیون شاہ |
معلومات