| تیرے دیوانوں کو خوفِ دار کیا |
| راحت و غم ایک، ہوں بیزار کیا |
| تو نہ ہے تو ساغر و مے کچھ نہیں |
| تجھ بنا یہ رونقِ دیوار کیا |
| ہو گئی ہے قتل سے رنگین یہ |
| ساری دنیا کوچہ و بازار کیا |
| آئیے اور قتل کیجیے بے دریغ |
| مائلِ آزار کو آزار کیا |
| تیرے سارے ظلم ہیں لطف و کرم |
| خوار جو تجھ سے ہوا وہ خوار کیا |
| بے عمل یہ علم ہے تاریک شئے |
| دل میں ہی جلتا نہیں انگار کیا |
| بت سے کیوں کر ہو وفا کی اب امید |
| سوتے مردوں کو کریں بیدار کیا |
| ہوں وہ چاہے محوِ جلوہ ہر گھڑی |
| خواہشیں مٹتی نہیں سو بار کیا |
| زندگی کی ساری خواہش ختم ہیں |
| اب شفا پائے ترا بیمار کیا |
معلومات