| گردِ مہ دستِ انجم میں رخشاں ہلال |
| بدر کی دفعِ ظلمت پہ لاکھوں سلام |
| شورِ تکبیر سے تھرتھراتی زمیں |
| جنبشِ جیشِ نصرت پہ لاکھوں سلام |
| نعرہائے دلیراں سے بن گونجتے |
| غرّشِ کوسِ جرات پہ لاکھوں سلام |
| وہ چقا چاق خنجر سے آتی صدا |
| مصطفیٰ تیری صولت پہ لاکھوں سلام |
| ان کے آگے وہ حمزہ کی جانبازیاں |
| شیرِ غُرَّانِ سطوت پہ لاکھوں سلام |
| بدر میں کیسے بدری صحابہ ڈٹے |
| اس عجب استقامت پہ لاکھوں سلام |
| تھے عمر اور علی حمزہ بوبکر بھی |
| شیروں کی ایسی طلعت پہ لاکھوں سلام |
| خدمتِ بنتِ احمد کی عثمان نے |
| ان کے اجرِ بے شرکت پہ لاکھوں سلام |
| اور ملائک بھی اترے مدد کو وہاں |
| ربِّ اعلی کی نصرت پہ لاکھوں سلام |
| کافروں کی بتائی جگہ مرنے کی |
| مصطفیٰ کی بصیرت پہ لاکھوں سلام |
| بدر میں لاشے ان کے پھٹے پھولے تھے |
| يومِ کسرِ ضلالت پہ لاکھوں سلام |
| جھنڈا لہرا گیا دنیا میں دین کا |
| بدر کی اس کرامت پہ لاکھوں سلام |
| ابوالحسنین محمد فضل رسول رضوی کراچی |
معلومات