| تضمین:- قافلے نے سوئے طَیْبہ کَمَر آرائی کی |
| کلام:- امام احمد رضا خان بریلوی |
| ــــــــــــــ------------------------------- |
| ہائے کیسے بے بَسی نے سِتَم آرَائی کی |
| رَو دیا سُن کے صَدا عَازِمِ بَطْحَائی کی |
| چَل دیا قافلہ ، مُجھ سے نہ شَناسائی کی |
| قافلے نے سوئے طَیْبہ کَمَر آرائی کی |
| مُشْکِل آسان اِلٰہی مِری تَنْہائی کی |
| حَشْر میں جب کھُلیں باتیں مِری رُسْوائی کی |
| تاب مجھ میں نہ رہی تب وہاں گویائی کی |
| آپ آکر سَرِ مَحْشَر مِری شُنْوائی کی |
| لاج رکھ لی طَمَعِ عَفْو کے سَودائی کی |
| اے میں قُرباں! مرے آقا بڑی آقائی کی |
| تیری شانوں کے بیاں سے ہیں دفاتِر قاصِر |
| ہے کِتابِ مُبِیں میں تیرے فَضَائِل باہِر |
| جو نِہاں ہے کہ عَیاں ، سامنے تیرے ظاہِر |
| فَرْش تا عَرْش سب آئینہ ، ضَمائِر حاضِر |
| بس قَسَم کھائیے اُمِّی تِری دانائی کی |
| ہر طَرَف آپ کا غَلْبَہ، شَبُ و روز اَوجِ کَمَال |
| ہر طَرَف آپ کے جَلْوَہ سے ہوا نُورِ جَمَال |
| کیسے مانوں کہ نہیں آپ پہ عَیَاں اَحْوَال |
| شَشْ جِہَت سَمْتِ مُقَابِل ، شَبُ و روز ایک ہی حال |
| دُھوم وَالنَّجْم میں ہے آپ کی بینائی کی |
| عَرْش تا فَرْش کھڑے تیرے غُلَامِ بے دام |
| ہر جگہ اَرْضُ و فَلَک میں ہے لِکھا تیرا نام |
| ہر زَماں اور مَکاں میں چلتے ہیں تیرے اَحْکام |
| پانسو سال کی رہ ایسی ہے جیسے دو گام |
| آس ہم کو بھی لَگی ہے تِری شُنْوَائی کی |
| یہ فَصاحت تِری جِس میں نہ حَدیثِ مُدٔرَج |
| معدنِ عِلْمِ حَقَائِق کا تو ہی ہے مَخْرَج |
| ذاتِ حق سے ہے ملی تجھ کو یہ کیسی سَج دھج |
| چاند اِشارے کا ہِلا ، حُکم کا باندھا سورَج |
| واہ کیا بات شَہا تیری تَوَانائی کی |
| جِس کے اَنْوَار سے روشن ہوئی ہے طَلْعَتِ عَرْش |
| جِس کے مِیلاد کا صَدْقَہ ہوئی ہے خَلْقَتِ عَرْش |
| جِس کی مِعْراج سے رضوی بڑھی ہے عَظْمَتِ عَرْش |
| تَنگ ٹھَہری ہے رضا جِس کے لیے وُسْعَتِ عَرْش |
| بس جگہ دِل میں ہے اس جَلْوَۂِ ہَرجائی کی |
| -------------------------------- |
| تضمین نگار:- ابو الحسنین محمد فضلِ رسول قادری چشتی رضوی، کراچی |
| 15 ربیع الاول 1448 ھ/ 29 اگست 2026 ء |
| بروز ہفتہ دو بج کر بتیس منٹ |
معلومات