| تضمین:- مِلٔکِ خاصِ کِبْرِیا ہو |
| کلام:- الشاہ امام احمد رضا خان بریلوی قدس سرہ العزیز |
| مَظْہَرِ نُورِ خُدا ہو |
| مَرْکَزِ دَورِ ہُدٰی ہو |
| مِحْوَرِ اَرْضُ و سَما ہو |
| مِلٔکِ خاصِ کِبْرِیا ہو |
| مالِکِ ہر ما سِوا ہو |
| خَالِقِ کُل کی رضا ہو |
| جَوہَرِ کَنْزِ خِفَا ہو |
| خَلْقْ میں سب سے جُدا ہو |
| کوئی کیا جانے کہ کیا ہو |
| عَقْلِ عَالَم سے وَرَا ہو |
| نِعْمَتِ رَبِّ مِلَل میں |
| کَنْزِ حُسْنِ بے بَدَل میں |
| کَہْفِ کَنْزِ لَمْ یَزَل میں |
| کَنْزِ مَکْتُومِ اَزَل میں |
| درِّ مَکْنُونِ خُدا ہو |
| سب ہیں حاضِر ، تم ہو ناظِر |
| تُم ہو ناہِی ، تُم ہو آمِر |
| تُم ہو باطِن ، تُم ہو ظاہِر |
| سب سے اَوَّل ، سب سے آخِر |
| ابْتِدَا ہو ، اِنْتِہا ہو |
| سب سے اَجْلٰی و جَلی تُم |
| سب سے اَخْفٰی و خَفِی تُم |
| سب کے مولٰی و وَلِی تُم |
| تھے وَسِیلے سب ، نَبی تُم |
| اَصْلِ مَقْصُودِ ہُدٰی ہو |
| سب صَدائے ذِکْرِ ہُو تھے |
| راہِ حَق میں کُو بہ کُو تھے |
| نُورِ حَق کے رُو بَرُو تھے |
| پاک کرنے کو وُضُو تھے |
| تم نَمازِ جاں فِزَا ہو |
| رَہْنُمائے اِین و آں تھے |
| زِینَتِ کَون و مَکَاں تھے |
| چَشْمَۂِ نُورِ عَیَاں تھے |
| سب بَشَارت کی اَذاں تھے |
| تُم اَذاں کا مدعا ہو |
| اَنْبِیَا سب مُعْتَبَر تھے |
| حُسْن میں رَشْکِ قَمَر تھے |
| سب کے سب اَہْلِ نَظَر تھے |
| سب تمہاری ہی خَبَر تھے |
| تم مُؤَخَّر مُبْتَدا ہو |
| سب خدا کی رَحْمَتِیں تھے |
| ضَرْبِ حَق کی نَوبتیں تھے |
| نَبْضِ دِیں کی دَھڑکنیں تھے |
| قُرْبِ حَق کی مَنْزِلِیں تھے |
| تم سَفَر کا مُنْتَہیٰ ہو |
| دے گَوَاہی آپ کی رَب |
| آپ ہی ہیں آخری اَب |
| تاکہ حَامی پہلے ہوں سَب |
| قَبْلِ ذِکْر اِضْمَار کیا جَب |
| رُتْبَہ سَابِق آپ کا ہو |
| چین والا بَیْتِ ماوٰی |
| شان والا ، بَرْگِ سِدْرَہ |
| سب سے بالا ، عَرْشِ اَعْلیٰ |
| طُورِ مُوسیٰ چَرْخِ عِیسیٰ |
| کیا مُساوِیِ دَنیٰ ہو |
| سب زَماں کے سِلْسلے میں |
| سب مَکاں کے ہیں کَڑے میں |
| سب جَہاں کے قافلے میں |
| سب جِہَت کے دائِرے میں |
| شَش جِہَت سے تُم وَرا ہو |
| رہتے ہو تُم ہر جَہاں میں |
| مُعْطِی ہو تُم ہر زَماں میں |
| بَسْتے ہو تُم دِل و جاں میں |
| سب مَکاں تُم لامکاں میں |
| تَن ہیں تُم جانِ صَفا ہو |
| جس گلی میں تُم ہو بَسْتے |
| سب خَزَانے اُس میں سَسْتے |
| سب اُسی جانِب ہیں تَکْتے |
| سب تمہارے دَر کے رَسْتے |
| ایک تُم راہِ خُدا ہو |
| ہر شَرَف کے تُم ہو جامِع |
| ہر مَرَض کے تُم ہو دافِع |
| دَرْد میں ہوتے ہو نافِع |
| سب تمہارے آگے شافِع |
| تُم حُضُورِ کِبْرِیا ہو |
| رب سے کیسی شان پائی |
| مِلْک میں ساری خُدائی |
| اور جہاں سارا فِدائی |
| سب کی ہے تُم تک رَسائی |
| بارگَہ تک تُم رَسا ہو |
| وہ مِرا دِل کیسے دھڑکا |
| گُم ہوا ہرغَم کا کھٹکا |
| گُلْشَنِ دِل کیسا مَہکا |
| وہ کَلَس رَوضے کا چَمکا |
| سر جھکاؤ کَجْ کُلَاہو |
| جَانِ رَحْمَت مُسْکرائے |
| بَاغِ نِعْمَت لَہْلَہائے |
| آج وہ تَوڑے ہیں لائے |
| وہ دَرِ دَولت پہ آئے |
| جھولیاں پھیلاؤ شاہو |
| تضمین نگار:- ابو الحسنین محمد فضلِ رسول قادری چشتی رضوی ، کراچی |
| 17 ربیع الاول شریف 1448ھ / 31 اگست 2026ء بروز پیر |
| دن11 بج کر 1 منٹ |
معلومات