| _______________________ |
| منقبت حضور مفتی اعظم ہند |
| ________________________ |
| پیکرِ وَفا تو ہے |
| :::::::::::::::::::::::::::::::::::::::::::::: |
| کلام ابو الحسنین محمد فضلِ رسول رضوی، کراچی |
| _______________________ |
| پیکرِ وَفا تو ہے |
| مظہرِ رضا تو ہے |
| نام کا اثر تجھ میں |
| مصطفٰی رضا تو ہے |
| جلوہِ ازل مستور |
| اس پہ ہی مٹا تو ہے |
| عشقِ مصطفیٰ کا باب |
| اس میں ہی گُما تو ہے |
| نعتِ مصطفیٰ کی راہ |
| اس پہ ہی چلا تو ہے |
| دشمنانِ حق دیکھیں |
| تیغِ بے خطا تو ہے |
| فیضِ مُصْطَفیٰ تجھ پر |
| فیضِ اَولیا تو ہے |
| نورِ مُرْتَضیٰ لے کر |
| آپ مُقْتَدَا تو ہے |
| مُجْتَبٰی حَسَن کا فیض |
| مُجْتَبٰی شَہا تو ہے |
| ہے ملی حُسَینی سوچ |
| رَد یزید کا تو ہے |
| شور تھا بہت ہر سُو |
| پر کہاں ڈرا تو ہے |
| شَہْ تجھے جُھکائے کون |
| کب کہیں جُھکا تو ہے |
| اور کوئی خَریدے کیا |
| کب کہیں بِکا تو ہے |
| تو ڈٹا رہا حق پر |
| اور نہیں ہٹا تو ہے |
| ہٹ گئے سبھی دشمن |
| جب کہیں مِلا تو ہے |
| دب گئے سبھی دشمن |
| ہاں نہیں دبا تو ہے |
| کون چھیڑتا ہم کو |
| ساتھ جب کھڑا تو ہے |
| غوث کا مِلا فیضان |
| غوث کی نَوَا تو ہے |
| بُوالْحُسَیْن کا فیضان |
| باخُدا بنا تو ہے |
| ان سے ہے خِلافَت بھی |
| شیخ کی صَدا تو ہے |
| کون سامنے آتا |
| ہیبتِ رضا تو ہے |
| فیضِ احمدِ ہندی |
| عام بانٹتا تو ہے |
| وہ مُحَدِّثِ اَعْظَم |
| اس کا دل ربا تو ہے |
| خاص کی نَظَر تجھ پر |
| عام کا سَما تو ہے |
| پیر ہیں بہت دیکھے |
| ہاں مگر جُدَا تو ہے |
| دور تھی رِیا تجھ سے |
| شَيخِ بے ریا تو ہے |
| باپ بھی نرالا ہے |
| باپ کی اَدا تو ہے |
| شانِ سِلْسِلَہ ہے تو |
| رُوحِ سِلْسِلَہ تو ہے |
| فیضِ اِنْتِمَا دے تو |
| نورِ اِنتِمَا تو ہے |
| شامِ غَم بَنے اب دن |
| صُبْحِ جاں فَزَا تو ہے |
| کافِ کُرْبَتِ مَن دور |
| سازِ خُوش نَوَا تو ہے |
| درد کب رہے میرا |
| درد کی دَوا تو ہے |
| دور ہو مَرَض میرا |
| جب مِری شِفا تو ہے |
| قَلْب کو جَگائے تو |
| قَلْب کی جِلا تو ہے |
| ہے قَمَر بَریلی کا |
| جو چَمَک رَہا تو ہے |
| سب ترے فَتَاویٰ لیں |
| اس کَمَال کا تو ہے |
| لوگ جام پیتے ہیں |
| اور پِلا رہا تو ہے |
| عام خاص بنتے ہیں |
| یوں کرے عَطا تو ہے |
| لوگ پائیں تجھ سے رَب |
| ہاں خدا نما تو ہے |
| مَخْزَنِ ہِدَایَت تو |
| بابِ اِہْتدا تو ہے |
| علمِ فِقْہِ دیں کا فیَض |
| فیضِ بے بَہا تو ہے |
| اَوج پَرْ سخاوت ہے |
| مَرْدِ با سَخَا تو ہے |
| نور پھیلتا تجھ سے |
| شَمْسِ پُرْ ضِیا تو ہے |
| چودھویں مُحَرَّم تھی |
| جب جِناں گیا تو ہے |
| سب مُرِیدوں کا والی |
| تام پیشوا تو ہے |
| تھام کر ترا دامن |
| میں کہوں مِرا تو ہے |
| میں کروں ثَنَا تیری |
| مَن کُجَا کُجَا تو ہے |
| ہے گَدا ترا رضْوی |
| مُرشِدِ گَدا تو ہے |
| رضْوِی ہو پریشاں کیوں |
| مصطفیٰ رضا تو ہے |
| تو خُوشی منا رضْوی |
| وَاصِفِ رضا تو ہے |
| از ابو الحسنین محمد فضلِ رسول رضوی کراچی |
معلومات