| کسی کا پورا ہر ارماں نہیں ہوتا |
| کلام :ابوالحسنین محمد فضل رسول رضوی |
| گلشن معمار کراچی |
| مفاعیلن مفاعیلن مفاعیلن |
| بحر ہزج مسدس سالم |
| کسی کا پورا ہر ارماں نہیں ہوتا |
| دوا ہو لاکھ پر، درماں نہیں ہوتا |
| مسیحائی کے داعی یوں تو ہیں سب ہی |
| ملا جو بھی مگر، انساں نہیں ہوتا |
| ولی کا بھیس وہ کیا خوب بھرتے ہیں |
| خدا کا ہی جنہیں عرفاں نہیں ہوتا |
| بتائے وہ ہمیں راہِ خدا آ کر |
| جو خود ہی صاحبِ ایماں نہیں ہوتا |
| یہاں سودا ملے گا ہر طرح کا روز |
| کھرا ہونے کا تو ایقاں نہیں ہوتا |
| کہاں دے گا شجاعت کا سبق ہم کو |
| ہمیں کہہ کر جو خود قرباں نہیں ہوتا |
| میاں خود تو فَضیحت اور بنا ناصح |
| تبھی تجھ سے تو دل جُنبَاں نہیں ہوتا |
| خدا کا ڈر بھلا دیتا ہے مسلم جب |
| تو پھر کافر کبھی لرزاں نہیں ہوتا |
| کرو گے سودے تم ایماں کے بدلے بھی |
| مگر ایماں کبھی ارزاں نہیں ہوتا |
| چھپاتے ہیں مخالف اب حجازی ساز |
| مگر اب سوز تو پنہاں نہیں ہوتا |
| چھپاتے ہو حقیقت کو حجابوں میں |
| زمانہ اتنا بھی ناداں نہیں ہوتا |
| یزیدی ہو مگر بنتے حُسَیْنِی ہو |
| حُسَيْنِی بَنْنَا تو آساں نہیں ہوتا |
| رکھے ان سے عداوت جو شقی ہے وہ |
| شقي تو خار ہے ریحاں نہیں ہوتا |
| سناؤ تذکرے محبوب کے ورنہ |
| مرا دل تو کبھی فرحاں نہیں ہوتا |
| پھرو تم بھی زمانے میں جہاں جاکر |
| کہا رضوی کا بھی بے جاں نہیں ہوتا |
معلومات