| اس کے لب، اس کی جبیں، اس کے بدن پر حق ہے |
| اس کے دل، اس کی دھڑک، اس کے نیَن پر حق ہے |
| اس کی لو، اس کی خد و خال و ذقن پر حق ہے |
| اس کے خم، اس کی مسام، اس کے دہن پر حق ہے |
| ہیں مرے دستِ تصرف میں وہی کومل ہاتھ |
| اس کی بھوؤں اس کی پلک اس کے نیَن پر حق ہے |
| گیسوئے تار پہ ہر خم کی سیاہی پہ بھی ہے |
| رخِ مہتاب کی چھنتی سی کرن پر حق ہے |
| لب کی سرخی پہ تو رخسار کی رنگینی پر |
| زلف کے خم پہ تو ماتھے کی شکن پر حق ہے |
| اس کے پہلو کی وہ بہتی ہوئی اس ندی پر |
| اس کے رخسار کے اس نیل گگن پر حق ہے |
| تم مرے نام جو کردو یہ بدن کا خطہ |
| پھر تمہارا مرے اقلیمِ سخن پر حق ہے |
معلومات