| ٹاٹوں پہ تو نے زندگی ساری گزار دی |
| اے نازِ فقر دست سوالوں کی پھر تلاش |
| دانش ورانِ غرب کی کوشش کو دی ہے مات |
| مغرب فریب تیری ہی چالوں کی پھر تلاش |
| تیرا سفال ساغرِ جمشید کا امام |
| سارے جہاں کو تیرے سفالوں کی پھر تلاش |
| آزاد ہند ہو گیا تیری ہی فکر سے |
| ہندوستاں کے واسطے ملالوں کی پھر تلاش |
| ہرچند تجھ کو غیر سے الفت ہوا کرے |
| اور دل کو ہے تجھی سے غزالوں کی پھر تلاش |
| چرخے کی طرح تو نے نچایا فرنگ کو |
| سب کو ہے آج تیرے کمالوں کی پھر تلاش |
| مغرب میں ہے سبھی کو وبالوں کی پھر تلاش |
| تیرے بغیر آسماں تاریک تر ہوا |
| آفاق کو ہے تجھ سے ہلالوں کی پھر تلاش |
| آہٹ سے تیری روحِ فرنگی میں زلزلہ |
| ہر اک بشر کو تجھ سے جلالوں کی پھر تلاش |
| میدانِ حرب میں ہے کمالوں کی پھر تلاش |
| پیمانۂ فرنگ کا ہر رند ہے غلام |
| اب ہند میں ہے تیرے پیالوں کی پھر تلاش |
| پھر ذہنِ ہر بشر پہ ہے افکار کا جمود |
| بزمِ خیال تیرے خیالوں کی پھر تلاش |
| بزمِ بشر میں آپ سا کوئی بشر کہاں |
| بزمِ مثال تیری مثالوں کی پھر تلاش |
| گوہر شناس دیکھ کے حیران رہ گیا |
| ہے ہند کو اب تجھ سے ہی لالوں کی پھر تلاش |
| شمس و قمر کا فیض تو انسانوں تک رہا |
| جن و بشر ملک کے ہی ہالوں کی پھر تلاش |
| شیریں کی بزم ہو گئی تاریک گاندھی جی |
| فرہاد کو ہے تیری کدالوں کی پھر تلاش |
| پورا کرے ہے بسملِ لیلیٰ کی آہ کو |
| ہے عاشقِ مجاز کو نالوں کی پھر تلاش |
| پھر تیرے اس چمن میں ہے ظلم و ستم کا راج |
| انسان کو ہے تجھ سے مسیحوں کی پھر تلاش |
| ستیہ گرہ کی پھر سے وہی مانگ ہو گئی |
| امن و اماں کے آہنی مردوں کی پھر تلاش |
| سینے پہ گولی کھا کے کیا امن کا قیام |
| تجھ مر کے زندہ رہنے ہی والوں کی پھر تلاش |
| تہذیب کے فریب سے پردہ اٹھا دیا |
| تہذیب کو ہے تجھ سے جیالوں کی پھر تلاش |
| لاریب ہند میں ہوا اقوام کا امام |
| ہے آشتی کے تجھ سے جیالوں کی پھر تلاش |
| پندارِ حسن آج بہت ہے عروج پر |
| ہاں عشق کو ہے تجھ سے دوانوں کی پھر تلاش |
| پھر ہند ہو چلا ہے یزیدوں کا کربلا |
| اب حق کے واسطے ہے حسینوں کی پھر تلاش |
| اس بزمِ امن میں ہے دریدوں کا پھر ہجوم |
| انسانیت کو آج حنینوں کی پھر تلاش |
معلومات