| لبریز ہے شرابِ محبت سے جامِ عشق |
| قدرت نے اب سعید کو بخشا ہے کامِ عشق |
| یعقوب کے چمن میں کھلا ہے گلِ نشاط |
| روشن انھیں کے دم سے زمانے میں نامِ عشق |
| عصمت کی گود میں کوئی بچہ نہیں منیر |
| اہلِ جہاں کہیں گے اسے اب امامِ عشق |
| بس جادۂ ظفر پہ چلے گا یہ طفلِ حق |
| تھامے گا اپنے باپ سے اب یہ زمامِ عشق |
| مسعودہ تیری دادی خوشی سے نہال ہے |
| روشن تر از سحر ہے اسی سے ہی شامِ عشق |
| ہوں گی نصیب سارے جہاں کو ہدایتیں |
| کھولے گا تو ہی بند پڑے ہیں جو بامِ عشق |
| رقصاں ہے کس طرح سے یہ دنیائے لالہ رنگ |
| کیسے مہک رہا ہے وہ دیکھو مشامِ عشق |
| تو سنتِ عمر کے لیے دل گھلائے گا |
| ظالم پہ اب چلے گی تمہاری نیامِ عشق |
| سودا گرانِ حسن ترے پاؤں چومیں گے |
| رفعت کو تیرے دم سے بڑھے گا مقامِ عشق |
| نفرت کے بت ہیں ہند میں قائم جگہ جگہ |
| امید ہے کہ توڑے گا تو از حسامِ عشق |
| تاریکیوں میں تو ہی جلائے چراغِ صبح |
| کیا دور ہوگا تم سے یہاں پر تمامِ عشق |
| کرنے کلامِ عشق یاں ارحام آ گئے |
| کم کیجیے گا ثانی یہاں پر کلامِ عشق |
| کرتا ہوں پیش ایسی مسرت پہ تہنیت |
| میری دعا ہے بڑھتا ہی جائے دوامِ عشق |
معلومات