| ۔۔۔۔۔۔۔۔۔۔۔۔۔۔۔ ۔ غزل ۔ ۔۔۔۔۔۔۔۔۔۔۔۔۔ |
| دلوں تک روح تک پہنچے صدا وہ ڈھونڈ کر لاؤ |
| حیا کا پاس ہو جس میں وفا وہ ڈھونڈ کر لاؤ |
| یہاں بیمار ہے باطن یہ ظاہر خوبصورت ہے |
| شفاۓ قلب ہو جس میں دوا وہ ڈھونڈ کر لاؤ |
| ستارے چاند پتھر سے مقدر اب نہیں بنتی |
| بنا مانگے جو دیتا ہے خدا وہ ڈھونڈ کر لاؤ |
| نہ ہی قانون کی دہشت یہاں زانی کو ظالم کو |
| بہت پہلے جو رائج تھی سزا وہ ڈھونڈ کر لاؤ |
| کیا کہنے محبت کے جفا میں بھی حلاوت تھی |
| محبت گر نہیں ممکن جفا وہ ڈھونڈ کر لاؤ |
| دعائیں لاکھ ہوں لیکن جزا نازل نہیں ہوتی |
| جو پہنچے عرش تک حمزہ دعا وہ ڈھونڈ کر لاؤ |
| شہاب حمزہ |
معلومات