| اگرچہ آنکھ نم نہیں |
| مگر نہیں کہ غم نہیں |
| دیارِ یار ہے یہیں |
| چلو تو دو قدم نہیں |
| رگوں کی بوند گرم ہے |
| شرار یم بہ یم نہیں |
| اگرچہ جبر و قدر ہے |
| غلام تو قلم نہیں |
| گواہ بے خبر ہی تھا |
| دلیل میں بھی دم نہیں |
| امید ناخدا سے کیا |
| خدا کا جب کرم نہیں |
| ہم عشق پیشہ ہیں مگر |
| گداگرِ صنم نہیں |
| ضمیر کا سکون ہے |
| یہ سیریِ شکم نہیں |
| ہے اہلِ دل کی رہ گزر |
| یہ کوچۂ حرم نہیں |
| عدم نہیں وجود تو |
| وجود کیا عدم نہیں |
| نظر سے تیری بے خبر |
| ہے کوئی اور ہم نہیں |
| خرد ہے اپنی پیچ میں |
| جنوں کا سر قلم نہیں |
| جنابِ ثانی ہیں ابھی |
| عرب سے کم عجم نہیں |
معلومات