| ترا خیال رہا میرا ہم خیال سدا |
| رہا ہے دل میں محبت کا ہی جمال سدا |
| تری وفا نے سنوارا ہے زندگی کا سفر |
| ترے سہارے رہا ہے یہ دل بحال سدا |
| یہ بے مثال محبت یہ ساتھ برسوں کا |
| مری دعا ہے رہے گا یہ بے مثال سدا |
| یقیں ہے اور محبت بڑھے گی عمر کے ساتھ |
| جو عشق ہے وہ تو رہتا ہے لا زوال سدا |
| خدا کرے کہ محبت کا یہ سفر نہ رکے |
| ہمارے گھر رہیں خوشیوں سے مالا مال سدا |
| رہے یہ رشتۂ الفت ہمیشہ یونہی بحال |
| مری دعا ہے مرے ربِ ذوالجلال، سدا |
| دعائیں جو بھی ہیں ساری قبول ہو جائیں |
| رہے مہکتا یہ بازیچۂِ عیال سدا |
| تری خوشی سے جڑی ہے مری خوشی سعدی |
| تو خوش رہے تو رہے دل مرا نہال سدا |
| #سعید_سعدی 07 ستمبر 2026 |
معلومات