| کُشتہِ بیمار کی ، گرمیِ رفتار دیکھ |
| اے عدو ے چارہ گر ، ہیبتِ جر ّار دیکھ |
| تیرو تفنگ آزما ،بار دگر آزما |
| خاک سے بیزار کی، شوخیِ گفتار دیکھ |
| تیغِ جفا وار کر، بسملِ غمخوار پر |
| ملّتِ احرار کا ،جَذبَہِ ایثار دیکھ |
| دیدہِ عبرت ہوا، تیری سپہ کا غرور |
| ضربتِ خیبر شکن ،حیدرِ کرّار دیکھ |
| برسرِ پرخاش تُو ،سینہ سپر میں بھی تو ہوں |
| سامنے آ وار کر ،پھر میری یلغار دیکھ |
| چاروں طرف ہے اگر ،شورشِ فوجِ یہود |
| ہیکلِ صد آہنی ،ہو رہی لاچار دیکھ |
| زخمِ جگر دیکھیے ،مشتِ غُبارِ حجاز |
| شوقِ سفر کربلا ،رَہ رَوِ دشوار دیکھ |
| دُشمنِ اسلام ہیں ،اہلِ عرب کے رفیق |
| بر نَصیبِ دُشمناں ،شعلہ و شرّار دیکھ |
| غیرتوں کے ہم امیں ، جراتِ انکار دیکھ |
| نعرہِ تکبیر کا ،گرم ہے بازار دیکھ |
| بحر مدید مثمن سالم |
معلومات