| تضمین نمبر 17 |
| تضمین:-زَمین و زَماں تُمہارے لئے مَکِین و مَکَاں تُمہارے لئے |
| ــــــــــ---------------------------------------- |
| کلام حسان الھند اعلیٰ حضرت الشاہ امام احمد رضا خان بریلوی قدس سرہ العزیز |
| ------------------------------------------ |
| ہیں نَہْریں رَوَاں تُمہارے لئے ، ہے بَاغِ جِناں تُمہارے لئے |
| ہے شَانِ شَہاں تُمہارے لئے ، ہے تَاجِ کَلاں تُمہارے لئے |
| ہے تیغ و سِناں تُمہارے لئے جِہاد و اَذاں تُمہارے لئے |
| زَمین و زَماں تُمہارے لئے مَکِین و مَکَاں تُمہارے لئے |
| چُنِین و چُناں تُمہارے لئے بنے دو جَہاں تُمہارے لئے |
| فَصِیحِ لِساں تُمہارے لئے ، بَلیغِ بَیَاں تُمہارے لئے |
| بَیَانِ عَیَاں تُمہارے لئے ، خَطِیبِ زَماں تُمہارے لئے |
| یہ کوہِ گِرَاں تُمہارے لِئے یہ آبِ رَوَاں تُمہارے لِئے |
| دَہَْن میں زَباں تُمہارے لئے بَدَن میں ہے جاں تُمہارے لئے |
| ہم آئے یَہاں تُمہارے لئےاُٹھیں گے وَہاں تُمہارے لئے |
| عُمُومِ کَرَم نَوَیدِِ نِعَم اَذَانِ حَرَم تَمَام عَجَم |
| شِفَائے اَلَم نَجَاتِ سِتَم زَوَالِ صَنَم ، مَمَاتِ خَصَم |
| عَظیم ہِمَم بُلَنْد عَلَم کِتَاب و قَلَم ثَبَاتِ قَدَم |
| فَرِشْتِے خَدَم رَسُول حَشَم تَمَام اُمَم غُلَامِ کَرَم |
| وُجُودُ و عَدَم حُدُوثُ و قِدَم جَہاں میں عَیاں تُمہارے لئے |
| جَمالِ وَضِی خِصَالِ تَقِی کَرِیمُ و وَفِی ذَہِینُ و وَعِی |
| عُلُومِ عَلِی فُیُوضِ وَلِی قِیَاسِ حَفِی خُلُوصِ نَقِی |
| نَوَالِ سَخِی شُجَاعُ و جَرِی بُطُونِ خَفِی ظُہُورِ جَلِی |
| کَلِیم و نَجِی مَسِیح و صَفِی خَلِیلُ و رَضِی رَسُولُ و نَبِی |
| عَتِیقُ و وَصِی غَنِیُّ و عَلِی ثَنا کی زَبَاں تُمہارے لئے |
| اَمَانتِ کُل حَلَاوتِ کُل شَرَافتِ کل سَخَاوتِ کُل |
| حِمَایَتِ کُل حِفَاظَتِ کُل عِنَایَتِ کُل شُجَاعَتِ کُل |
| قِیَادَتِ کُل عَدَالَتِ کُل نُبُوَّتِ کُل رِسَالَتِ کُل |
| اِصَالَتِ کُل اِمَامَتِ کُل سِیَادَتِ کُل اِمَارَتِ کُل |
| حُکُومَتِ کُل وِلایَتِ کُل خُدا کے یہاں تُمہارے لئے |
| یہ خَوان و نَمَک یہ میٹھی کَسَک سُتُوں کی سِسَک یہ ساری ہُمَک |
| کَلی کی چَٹَک فَضَا میں دَھنَک حَیا کی جِھجَک تُمہاری لَہَک |
| زَمیں تا فَلَک عَجَب سی لَپَک ہیں سارے مَلَک تُمہاری کُمَک |
| تُمہاری چَمَک تُمہاری دَمَک تُمہاری جَھلَک تُمہاری مَہَک |
| زمَین و فَلَک سِمَاک و سَمَک میں سِکَّہ نِشَاں تُمہارے لئے |
| وہ نُورِ جَہاں وَرَائے مَکَاں یہ رُوحِ جَہاں ضِیَائے مَکَاں |
| وہ سَب سے نِہاں ورائے گُمَاں یہ ایسا عَیَاں گُمَائے گُمَاں |
| وہ غَیب یہاں وہ غَیب وہاں یہ پاس یہاں یہ پاس وہاں |
| وُہ کَنْزِ نِہاں یہ نُور فِشَاں وہ کُن سے عَیَاں یہ بَزْمِ فَکَاں |
| یہ ہَر تَن و جاں یہ بَاغِ جِنَاں یہ سارا سَمَاں تُمہارے لئے |
| یہ نُطْقِ زَباں یہ شَوقِ دِلاں یہ زورِ بَیاں یہ شورِ زَماں |
| حُقُوقِ زناں قُبُولِ فُغَاں نُمُودِ مَکَاں فَضَائے اماں |
| یہ مَرْدِجَوَاں یہ حُسْنِ رُخَاں یہ رَنگِ لَبَاں یہ سب ہیں یہاں |
| ظُہُورِ نِہَاں قِیَامِ جَہَاں رُکُوعِ مہاں سُجُودِ شَہَاں |
| نِیَازیں یہاں نَمَازیں وہاں یہ کس لئے ہاں تمہارے لیے |
| یہ جِنُّ و بَشَر یہ سَمْعُ و بَصَر یہ جانُ و جِگَر یہ اُمُّ و پِدَر |
| یہ دَورِ حَضَر یہ سارے سَفَر ، جو ساری عُمَر مِلے ہیں گُہَر |
| سَحَابُ و مَطَر نَوِیدِ ظَفَر دُعا میں اَثَر کَرَم کی نَظَر |
| یہ شَمْسُ و قَمَر یہ شَامُ و سَحَر یہ بَرْگُ و شَجَر یہ بَاغُ و ثَمَر |
| یہ تیغ و سِپَر یہ تَاجُ و کَمَر یہ حُکْمِ رَوَاں تُمہارے لئے |
| یہ نُور بَھرے تُمہارے لِیے سِتَارے بِنے قَمَر کے دِیے |
| نہ دَرْد رَہے جو دَسْت مَلے وہ آس دِیے کہ زَخْم سِیے |
| نہ پیاس رَہے جو حوض مِلے وہ جام بَھرے زمانہ پِیے |
| یہ فیَض دِیے وہ جُود کِیے کہ نام لِِیے زَمَانہ جِیے |
| جہاں نے لِیے تُمہارے دِیے یہ اَکْرَمِیَاں تُمہارے لِیے |
| دعا کے لیے یوں اشک بہے کہ آپ نعم خدا نے دیے |
| ہمارے لیے وہ زخم سہے کہ خون سے رنگ بھر ہی لیے |
| ہاں جرم کیے ہیں ہم نے بڑے مگر وہ کرم سے محو کیے |
| سَحَابِ کَرَم رَوَانَہ کِیے کہ آبِ نِعَم زَمَانَہ پِیے |
| جو رَکھتے تھے ہَم وہ چاک سِیے یہ سَترِ بَدَاں تُمہارے لئے |
| ہیں جَاں بَہ لَبَاں اے جانِ جَہاں بَتاؤ چَلیں یوں ہم بھی کَہاں |
| پَڑے ہیں یہاں رَہیں گے وَہاں ، ہوں آپ جَہاں اے رُوحِ رَواں |
| گَدا کا گُماں کَرو یوں عَیَاں ، رہے نہ یوں ہی پَڑا وہ یہاں |
| ثَنا کا نِشاں وہ نُور فَشَاں کہ مِہْر وَشاں بَآں ہمہ شاں |
| بَسایہ کَشاں مواکِبِ شاں یہ نام و نِشاں تُمہارے لئے |
| تُمہارے سَبَب گِدَائے عَرَب ہَٹائے غَضَب اِسے ہو طَرَب |
| ہَزاروں اَرَب کَروڑوں کَھرَب کَرے جو طَلَب عَطَا ہوں بَرَب |
| ہے مَاہِ رَجَب بُلَاوا عَجَب اُٹھا ہی دِے رَب حِجَاب یہ سَب |
| عَطَائے اَرَب جَلَائے کَرَب فُیُوض عَجَب بغیر طَلَب |
| یہ رَحْمِتِ رَب ہے کِس کے سَبَب بَرَبِّ جَہاں تُمہارے لئے |
| عَظِیم عَطَا دُرُود پَڑھا قُبُول ہوا یَقین مِلا |
| سَوَال سُنا حِجَاب ہَٹا حِسَاب ہَوَا یوں گور پَڑا |
| حِسَاب کُھلا تو شور پَڑا غُلَام رِہا یوں حَشْر بَپا |
| ذُنُوب فَنا عُیُوب ہَبا قّلُوب صَفا خُطُوب رَوا |
| یہ خُوب عَطا کُرُوب زوا پئے دِل و جَاں تُمہارے لئے |
| نہ بَرْگّ و ثَمَر ہاں خُود ہی شَجَر جُھکا کے یوں سَر کھڑے ہیں اِدَھر |
| نہ شَامُ و سَحَر ہاں آپ دَہَر کَرے وہ سَفَر ہو حُکْم اَگَر |
| ہے بَسْتی نَگَر ہے قَرْیَہ جِدَھر ، کرو گے نَظَر ہیں زیرِ اَثَر |
| نہ جِنُّ و بَشَر کہ آٹھ پَہَر مَلَائِکَہ دَرْ پہ بَسْتَہ کَمَر |
| نہ جَبِینُ و سَر کہ قَلْبُ و جِگَر ہیں سَجْدَہ کَنَاں تُمہارے لئے |
| جو شَانِیں تُمہیں خُدا سے مِلِیں کِسی کو نہِیں عَطَا وہ ہوئِیں |
| جو تُم سے کَہیں وہ باتیں کَہیں کِسی سے نَہیں خُدا نے کَہیں |
| کِسی بھی ذَہِیں کِسی بھی فَطِیں کِسی بھی مَتِیں سے کی ہی نَہیں |
| نہ رُوحِ اَمِیں نہ عَرشِ بَرِیں نہ لَوحِ مُبِیں کوئی بھی کَہیں |
| خَبَر ہی نَہیں جو رَمْزِیں کُھلیں اَزَل کی نِہاں تُمہارے لئے |
| مِلا ہے بَدَن بَدَن میں دَہَن دَہَن سے سُخَن سَبھی ہیں حَسَن |
| حَسِیں سا وَطَن یہ کَوْہُ و دَمَن یہ سارے مُدَن یہ چَرْخِ کُہَن |
| نَبِی کی سُنَن نَبِی کا زَمِن حُسَینُ و حَسِن ہیں لَعْلِ یَمَن |
| جِنَاں میں چَمَن چَمَن میں سَمَن سَمَن میں پَھبَن پَھبَن میں دُلہن |
| سَزَائے مِحَن پہ ایسے مِنَن یہ اَمْنُ و اَمَاں تُمہارے لئے |
| یہ قَولُ و بَیَاں یہ حُسْنِ گُمَاں یہ شِیرِیں دَہَاں یہ مَرْدِ تَوَاں |
| قَرَارِ دِلَاں نِگَارِ لَبَاں بَہَارُ و خِزَاں یہ سَارے سَمَاں |
| یہ غَوْثِ زَمَاں یہ قُطْبِ کَلَاں یہ غَیْثِ جَہاں یہ فَیْضِ رَوَاں |
| کَمَالِ مَہَاں جَلَالِ شَہَاں جَمَالِ حِسَاں میں تُم ہو عَیَاں |
| کہ سارے جَہاں میں روزِ فکان ظِلِّ آیئنہ ساں تُمہارے لئے |
| جو عِشْقِ خُدا میں ہے یوں فَنَا کہ رَاہِ وَفَا میں مَرْد بَنَا |
| جو پِیشِ رضا ہے صُبْحُ و مَسَا بے خوف کَھڑا ڈَٹَا ہی رَہَا |
| یہ کام بَڑا مَگَر یہ کُجَا وہ ذات کُجَا جو سب سے وَرَا |
| یہ طُور کُجَا سِپِہر تو کیا کہ عَرْش عُلَا بھی دُور رَہَا |
| جِہَت سے وَرَا وِصَال مِلا یہ رِفْعَتِ شَاں تُمہارے لئے |
| یہ کِس نے کَہی یہ کِس نے گَھڑی کہ آنکھ مِری کِسِی سے لَڑی |
| یہ اَشْکوں بَھری یہ تیز جَھڑی یہ دِل کی لَگی ہے تُم سے کَہی |
| یہ خاص گَھڑی یہ راز بَھری یہ بات مِری ہے تُم نے سُنی |
| خَلِیلُ و نَجِی مَسِیحُ و صَفِی سَبھی سے کَہی کَہِیں بھی بَنی |
| یہ بے خَبَری کہ خَلْق پِھری کہاں سے کہاں تُمہارے لئے |
| نَسِیمِ صَبا ہے جَان فِزَا یہ رَبْط مِرا دے تُم سے مِلا |
| یہ دَر کی ہَوا ہے دیتی شِفا یہ ایسی دَوَا کہ دَرْد فَنَا |
| بَروزِ جَزا یہ راز کُھلا کہ کام مِرا بھی تُم سے بَنَا |
| بَفَور صَدا سَماں یہ بَندھا یہ سِدرہ اُٹھا وہ عَرْش جُھکا |
| صُفُوفِ سَمَا نے سَجْدہ کیا ہوئی جو اَذاں تُمہارے لئے |
| یوں رُخْصَتِیں دیں کہ جُرْم کَریں گُنَہ میں رَہیں عَمَل سے ٹَلیں |
| بُرَا ہی کَریں بُرَا ہی کَہیں بُرَا ہی سُنیں غَلَط ہی چَلیں |
| یوں دیکھیں ہمیں تو کچھ نہ کَہیں خُدا سے مِلیں بَرِی ہی کَریں |
| یہ مَرْحَمَتِیں کہ کَچِّی مَتِیں نہ چھوڑیں لَتِیں نہ اپنی گََتِیں |
| قُصُور کَریں اور ان سے بَھریں قُصُورِ جِنَاں تُمہارے لئے |
| یہ ساری کَھپَت یہ ساری لِکھَت یہ ساری پَڑَھت یہ ساری لُغَت |
| ہماری بَچَت خُدَا کی صِفَت بَرَائے دِلَت عَطَائے دَرَت |
| یہ گَہْرے نُکَت یہ ساری جِہَت فَنَائے دَرَت ہیں زیرِ سَرَت |
| فَنَا بَدَرت بَقَا بَبَرَت زِ ہَر دو جِہَت بَگِرْدِ سَرَت |
| ہے مَرْکَزِیَّت تُمہاری صِفَت کہ دونوں کَماں تُمہارے لئے |
| صَحَابَہ نے آپ دیکھ لیا ، بَقَائے جَہاں بھی مان لیا |
| عَدُو کی نَظَر سے غَیب رَہا تو عَیب نِکالتا ہی جِیا |
| قَدَم اُٹھے تو کَمال ہی کِیَا ، نَظَر پَڑی تو بِلال ہی کِیَا |
| اِشَارے سے چاند چِیر دیا چُھپے ہوئےخُور کو پھیر دیا |
| گئے ہوئے دِن کو عَصْر کیا یہ تَابُ و تَواں تُمہارے لئے |
| جو شوق بَڑھے رضا کی سُنے تو رضوی اُٹھے یہ تَضْمِیں کَہے |
| خُدا ہی کَرے قُبُول اِسے ، سَزا بھی ٹَلے جَزا بھی مِلے |
| یہ مُژْدہ سُنے کہ جُرْم مِٹے یہ حُکْم مِلے کہ نَعْت پَڑھے |
| صَبَا وہ چَلے کہ بَاغ پھَلے وہ پھول کھِلے کہ دِن ہوں بھَلے |
| لِوا کہ تَلے ثَنا میں کھُلے رضا کی زَباں تُمہارے لئے |
| ---------------------------------------- |
| تضمین نگار:- ابو الحسنین محمد فضل رسول قادری چشتی رضوی ، کراچی |
| 30 ربیع الاول شریف 1448 ھ / 13 ستمبر 2026 ء بروز اتوار صبح 8 بج کر 16 منٹ |
معلومات