| اس بتولِ جگر پارہِ مصطفیٰ |
| حجلہ آرائے عِفَّت پہ لاکھوں سلام |
| جس کا آنچل نہ دیکھا مہ و مہر نے |
| اس ردائے نزاہت پہ لاکھوں سلام |
| سَیِّدَہ زاہرہ طَیِّبَہ طاہرہ |
| جانِ احمد کی راحت پہ لاکھوں سلام |
| نورِ تطہیر سے جن کی پاکی عیاں |
| ایسی خاتونِ جنّت پہ لاکھوں سلام |
| جس کی آمد پہ ہوں مصطفیٰ خود کھڑے |
| ایسی اعلیٰ عنایت پہ لاکھوں سلام |
| بھوکی رہ کر کھلائیں غریبوں کو جو |
| اس کی شانِ سخاوت پہ لاکھوں سلام |
| جس کے شوہر ہیں حضرت علی مرتضیٰ |
| ایسے جوڑے کی قسمت پہ لاکھوں سلام |
| جس کے بیٹے ہیں حضرت حسن اور حسین |
| ایسی کانِ سیادت پہ لاکھوں سلام |
| جس کی آمد پہ سب کی نگاہیں جھکیں |
| روزِ محشر وجاہت پہ لاکھوں سلام |
| جن کی صورت ہے آئینہِ مصطفیٰ |
| ایسی نورانی صورت پہ لاکھوں سلام |
| جن کی سيرت میں ہے سیرتِ مصطفیٰ |
| ایسی پاکیزہ سیرت پہ لاکھوں سلام |
| ابو الحسنین محمد فضل رسول رضوی کراچی |
معلومات