| وقت ہے پھولوں کی سیج وقت ہے کانٹوں کا تاج |
| وقت سے آباد ویراں وقت سے اجڑا سماج |
| وقت ایسا بادشاہ ہے جس کی ٹھوکر میں سبھی |
| وقت سے عزت کا تخت وقت سے ذلت کا تاج |
| وقت چاہے تو زمیں بھی آسماں ہو جائے گی |
| وقت چاہے تو وصولے آسماں سے بھی خراج |
| وقت نے نمرود سے بھی بادشاہی چھین لی |
| وقت نے فرعون کا بگڑا ہوا بدلا مزاج |
| وقت کی ٹھوکر میں روئی آسماں چھوتے پہاڑ |
| وقت کی ضربوں میں ہے یہ وقت کا خارا زجاج |
| وقت نے پروانے کو دی شمع جیسی روشنی |
| وقت ہی سے شمع کو ہے روشنی کی احتیاج |
| وقت نے غربت کو سونپی بادشاہی کی کلید |
| وقت ہی امراء کے سر کا پاش کر دے تخت و تاج |
| وقت کی المختصر مٹھی میں ہے یہ کائنات |
| وقت کا بس ہو تو کر لے گا خدا پر بھی یہ راج |
| وقت کی منشا سے ہے یہ شبنم و شعلے میں میل |
| وقت کی مرضی سے ہے یہ بحر و بر کا اختلاج |
| وقت ہی ہر شے میں بھرتا ہے خدائی کا غرور |
| وقت ہی بگڑی ہوئی عقلوں کا کرتا ہے علاج |
| وقت کی آئی بہاراں کھل گئے باغِ رسوم |
| وقت کی آئی خزاں اجڑے گلستانِ رواج |
| وقت کی سب حیلے بازی وقت کا سب پینترا |
| وقت کے ساغر سے ہشیاری سکھے پاگل بھی آج |
| وقت کو قدرت نے دی بست و کُشادِ ہست و بود |
| وقت کو قدرت نے بخشا نظمِ ہستی کا بھی کاج |
| وقت ہی لاتا ہے تودے میں شرارِ انقلاب |
| وقت ہی مظلوم کو سکھلاتا ہے کر احتجاج |
| وقت کے ہی دم سے یہ مسجد و بت خانہ تمام |
| وقت کے ہی فضل سے ہے خیر و شر کا امتزاج |
| وقت کی آئی بہاراں وقت سے دوزخ بہشت |
| وقت سے ویران گلشن وقت کی گرتی ہے گاج |
معلومات