| +++++++++++++++++++++ |
| روٹھی روٹھی |
| +++++++++++++++++±+++ |
| نظر آتی ہے کیوں ہوا روٹھی روٹھی |
| لگے ہے مجھے یہ فضا روٹھی روٹھی |
| دوائیں مریضِ محبت نے لی ہیں |
| مگر ہے یہاں تو شفا روٹھی روٹھی |
| یہاں تو ہے مرنے پہ ملنے کا وعدہ |
| مگر ہم سے تو ہے قضا روٹھی روٹھی |
| کریں کیا عمل انتظارِ جزا میں |
| کہ ہے ہم سے تو ہر جزا روٹھی روٹھی |
| سزا بھی جزا مانیں ہو سامنے وہ |
| مگر ہم سے ایسی سزا روٹھی روٹھی |
| نہ ہم چاہتے کچھ سوائے لقا کے |
| مگر ہے نویدِ لقا روٹھی روٹھی |
| بہاریں یوں تو زندگی کی ہیں پھیکی |
| بِنا اس کے صُبح و مَسا روٹھی روٹھی |
| ارے پوچھ لے تو ذرا زندگی سے |
| کہ مجھ سے تو کیوں ہے بتا روٹھی روٹھی |
| سنا ہے کہ وہ روٹھوں کو ہیں مناتے |
| مگر لائیں کیسے ادا روٹھی روٹھی |
| ذرا دیکھ رضوی کہ ہے دیر کتنی |
| ملے جب خوشی سے قضا روٹھی روٹھی |
| ------------------------------------------------------- |
| از ابو الحسنین محمد فضلِ رسول رضوی |
| 6 ربیع الاخر 1446ھ/ 10 اکتوبر 2024ء |
| بروز جمعرات ایک بج کر اڑتالیس منٹ |
| ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
معلومات