| مجھ سے دو بدو ہے تو |
| کتنا سرخ رو ہے تو |
| آہٹیں سنائی دیں |
| جیسے چار سو ہے تو |
| تیری جستجو ہوں میں |
| میری آرزو ہے تو |
| مجھ سے میں نہیں ملتا |
| اپنے ہوبہو ہے تو |
| ہار جائے گا یہ دل |
| دیکھ خوب رو ہے تو |
| میں تو تجھ سے زندہ ہوں |
| ہاں مرا لہو ہے تو |
| دل میں کاغذی موسم |
| اس میں رنگ و بو ہے تو |
| اک سوال ہے یہ کون |
| سو جواب تو ہے تو |
| مے کشی ترے بن کیا |
| غیرتِ سبو ہے تو |
| کس کو ڈھونڈتا ہوں میں |
| جب کہ روبرو ہے تو |
| میری خامشی سے کیوں |
| محو گفتگو ہے تو |
| دل! نہ دے اسے بوسہ |
| کیوں کہ بے وضو ہے تو |
| کیسے بھول سکتا ہوں |
| غم کی آبرو ہے تو |
| دل رہا ترا مسکن |
| آج کو بہ کو ہے تو |
| اس خدا کی دنیا میں |
| ثانی فالتو ہے تو |
| میں ہوں پانی کا مرہم |
| زخمِ شعلہ رو ہے تو |
| ثانی کیا پھلے پھولے |
| خاک بے نمو ہے تو |
معلومات