| مرے ہیں کتنے ہی معصوم تیری دیش بھکتی میں |
| مگر اب تک ترے لب پر وہی دشنام ہے بھائی |
| اسی مٹی کے باسی کو یہیں تو قتل کرتا ہے |
| ترے اس کارنامے کا برا انجام ہے بھائی |
| تو ہی بتلا لہو سے کس نے سینچا اپنے گلشن کو |
| مرے خوں ہی سے تو یاں بن گیا گلفام ہے بھائی |
| سنوارا کتنی مشکل سے وطن کی زلفِ برہم کو |
| تو کیا اس خدمتِ قومی کا یہ انعام ہے بھائی |
| تری اس کج روی سے سارا عالم ہی پریشاں ہے |
| تو اپنے کارناموں سے بڑا بدنام ہے بھائی |
| ہیں کتنے تشنہ لب یاں پر تو غیروں کو لٹاتا ہے |
| کسی بھی رند کے ہاتھوں میں کوئی جام ہے بھائی |
| کبھی ہے نوٹ بندی تو کبھی یہ ماب لنچنگ ہے |
| سبھی شہری پریشاں ہیں تجھے آرام ہے بھائی |
| کبھی این آر سی کے نام پر بھگدڑ مچاتا ہے |
| لہو رو رو کے مرتا جا رہا آسام ہے بھائی |
| تو سر تن سے جدا کر دے اگر حرفِ شکایت ہو |
| تری محفل میں اہلِ شرف کا اکرام ہے بھائی |
| اب ہندوستاں کو ہندو راشٹر میں گھوشت بھی کرنا ہے |
| تری اس کھوپڑی میں کیا سے کیا اوہام ہے بھائی |
| کوئی روکے درندوں کو جرائم سے مظالم سے |
| مظالم کی وگرنہ دیکھو آتی شام ہے بھائی |
| کئی بچے جدا ماں سے جدا بلبل گلستاں سے |
| سیہ راتوں سے بھی زیادہ یہاں ایام ہے بھائی |
| یہیں پیدا ہوئے ہیں ہم یہیں مٹی ملائیں گے |
| نکل جائیں گے بھارت سے خیالِ خام ہے بھائی |
| وہی کشمیر جس میں تھیں کئی جنت کبھی پنہاں |
| جہنم کے اسی میں اب بھرے آلام ہیں بھائی |
معلومات