احباب اصلاح کریں

ماجد صاحب - چونکہ میں نے شروع میں آپ کی بات پہ اعتراض کیا تھا لہٰذا میں اب اس پر بھی کچھ راۓ دیتا ہوں
پہلی بات تو یہ آپ کا انداز بہت سادہ ہے اس لیے دلکش ہے- آپ نے زبردستی کے بھاری الفاظ استعمال نہیں کیے جس سے آپ کے مصرعوں میں روانی ہے- آپ میں اچھا لکنے کے لوازمات نظر آ رہے ہیں - اللہ کامیاب کرے۔
اب آئے کلام کی خامیوں پہ بات کرتے ہیں۔ آپ اپنے مصرعوں میں اکثر ربط نہیں پیدا کر سکے

یاد اس کی اگر نہ جائے کہیں
درد کا یہ اثر نہ جائے کہیں
-- آپ کہہ رہیں ہیں کہ اگر اسکی یاد نہ جاے تو کہیں ایسا نہ ہو درد کا اثر ختم ہوجاۓ- خود سوچیے یہ بات بنتی ہے؟

آدمی خوب ہیں جہان میں پر
آدمی کا ہنر نہ جائے کہیں
-- دیکھیے اگر آپ نے ہنر کا زکر کیا ہے تو پہلے مصرعے میں کسی ہنر کا ذکر ہونا چاہیے - خوب ہونا تو کوئ ہنر نہ ہوا اور خوب کا مطلب بہت سارے بھی ہو سکتا ہے تو بات واضح نہ ہوئ۔

لوگ مل کر رہیں سبھی کے سبھی
پیار کا یہ نگر نہ جائے کہیں
-- سبھی کے سبھی کا استعمال یہاں غلط ہو کا - لوگوں کے لیۓ سب کے سب کا استعمال ہوتا ہے
دل کی جو بات ہے بتاؤ اسے
وقت سارا گزر نہ جائے کہیں
-- یہ اچھا ہے
میں ملاقات کر ہی لیتا ہوں
بعد میں وہ مکر نہ جائے کہیں
-- یہ بھی اچھا ہے اور اچھا ہوتا اگر پہلے مصرعے میں آپ کسی وقت کا ذکر کرتے تاکہ دوسرے مصرعے میں بعد میں کہتے تو زیادہ ربط بنتا۔
تو بھی ماجدؔ ملالِ یار میں رو
غم مرا یہ بکھر نہ جائے کہیں

تو بھی ماجد کا مطلب ہے آپ نے خود کو دوسرا کہا تو پھر اگلے مصرعے میں مرا نہیں آیگا تیرا آۓ گا

بہتری کی دعا سن کے اور اچھا لکھنے کا سن کے مجھے اچھا لگا۔ آپ نے بہت اچھی رہنمائی کی سر اگر آپ سے وٹس ایپ پہ بات ہو سکے تو دلی مراد بر آئے

ماجدـٓ صاحب!
دوسرے شعر اگر اس طرح ہو جائے تو??

آدمی جاتا ہے تو جائے مگر
آدمی کا ہنر نہ جائے کہیں

@Muhammad_Asim_Majeed
جی ایسا کرنا بھی بہتر ہے ماشاءاللہ