| سراب سا مژۂ خوں فشاں پہ آیا ہے |
| حریف سختی خواب گراں پہ آیا ہے |
| غبار بن کے سمندر پہ تشنگی اتری |
| یا کوئی شعلہ اچھل کر دھواں پہ آیا ہے |
| سنا تو جاتا ہے ہر حرف مدعا میرا |
| تپاکِ جاں سے نکل کر زباں پہ آیا ہے |
| غضب ستم کا نشانہ اسے بنایا گیا |
| عجب وبال ترے نیم جاں پہ آیا ہے |
| نظر کا تیر جو ڈوبا ہوا سا زہر میں تھا |
| مجھے نشانہ بنا کر کماں پہ آیا ہے |
| وہی زمین کا تیور ہے بے وفائی میں |
| فریب کا وہی رنگ آسماں پہ آیا ہے |
| کسی نے چن تو رکھی ہے یہ تیز رفتاری |
| سو پست رو بھی پس کارواں پہ آیا ہے |
معلومات