| کیوں مجھ کو بھگاتا ہے مرے ملک سے آخر |
| اس دیش کو کیا میں نے سنوارا نہیں بھائی |
| گلشن کے لیے خونِ جگر سب نے دیا ہے |
| بھارت پہ تمہارا ہی اجارہ نہیں بھائی |
| بھارت کو کبھی چھوڑ ہی سکتے نہیں ہرگز |
| کہ اپنا سمرقند و بخارا نہیں بھائی |
| چل مجھ کو مرے بھائی گلے سے تو لگا لے |
| اس راہِ محبت میں خسارا نہیں بھائی |
| ہم نے سنوارا ہے ترا گیسوئے پر خم |
| پھر تم کو بھلا میں کیوں گوارا نہیں بھائی |
| تو غیر کو پیمانہ کیا مے خانہ لٹائے |
| قطرے کا بھی ہم کو تو اشارہ نہیں بھائی |
| کرتا ہے کیوں تو اتنی شرارت پہ شرارت |
| کہ چین سے اک لمحہ گزارا نہیں بھائی |
| کیوں خاک میں ملتی گئی وہ عظمتِ رفتہ |
| اب اونچا کیوں بھارت کا منارا نہیں بھائی |
| آثارِ محبت ترے مٹتے ہی گئے ہیں |
| کیوں دل میں ترے پچھلا شرارہ نہیں بھائی |
| یہ نغمۂ الفت تجھے بھاتا نہیں کیوں کر |
| یہ لَے بھی تجھے دیکھ ابھارا نہیں بھائی |
| مانا کہ رقیبوں سے عداوت نہیں اچھی |
| ثانی کو بھی کیوں تو نے پکارا نہیں بھائی |
معلومات