| عرشِ بریں پہ لکھا شہِ دیںﷺ کا نام ہے |
| یہ ذاتﷺ وہ ہے جس پہ نبوت تمام ہے |
| لبریز دل میں عشقِ محمدﷺ کا جام ہے |
| سرکارﷺ کا کرم ہے کہ وصلِ دوام ہے |
| پھیلی ہوئی ہے شمعِ ہدایت کی روشنی |
| نورِ خدا سے چمکا یہ ماہِ تمامﷺ ہے |
| رحمت لقب ہے اور ہیں محبوبِ کبریاﷺ |
| میرے نبیﷺ کی ذات ہی خیرالانام ہے |
| ختم الرسل ہیں آپﷺ ہی سردارِ انبیاء |
| نازل ہوا حضورﷺ پہ رب کا کلام ہے |
| لب پر درود سارے فرشتوں کے ہے سجا |
| اللہ کا حضورﷺ پہ دائم سلام ہے |
| ہر چیز کو فنا ہے بقا رب کی ذات ہے |
| اس طرح ذکر میرے نبیﷺ کا مدام ہے |
| اسریٰ کی شب سخی یہ خدا نے بتا دیا |
| کل انبیا کی ذاتِ محمدﷺ امام ہے |
معلومات