| مشاہدات و خیالات رقص کرتے ہیں |
| قلم پہ خوں کے نشانات رقص کرتے ہیں |
| دلوں میں عشق ترا ثبت پیر جیسا ہے |
| مرید کر کے ملاقات رقص کرتے ہیں |
| کسی کے ہجر نے مجنون کر دیا ہم کو |
| اسی جنون میں دن رات رقص کرتے ہیں |
| عجب حیات میں دلبر کا آنا جانا ہے |
| وہ لوٹ آئے تو جذبات رقص کرتے ہیں |
| شکست دیتا ہے مظلوم جب بھی ظالم کو |
| زدن میں ارض و سماوات رقص کرتے ہیں |
| کسی کی لاش پہ کچھ لوگ ناچتے ہیں کیوں |
| غموں کی تھاپ پہ بد ذات رقص کرتے ہیں |
| انوکھی بات ہے میں خالی ہاتھ لوٹا ہوں |
| خراب حالی پہ نوحات رقص کرتے ہیں |
| زہے نصیب ہمیں ایسے چاہنے والے |
| ہماری کر کے شکایات رقص کرتے ہیں |
| بدست لائے ہیں برسانے پتیاں وہ بھی |
| ہماری قبر پہ گل ہات رقص کرتے ہیں |
| اگر وہ پوچھے ، بتا آنکھ میں نمی کیا ہے |
| تو کہنا آنکھ میں ذرات رقص کرتے ہیں |
| دل و دماغ میں اک جنگ جاری ہے سِدْویؔ |
| درونِ دل سو فسادات رقص کرتے ہیں |
معلومات