| نَے لذتِ نگاہ نہ تمکینِ گوش ہے |
| مرلی کی تان کیا ہے یہ نائے و نوش ہے |
| اب دل میں میرے پھر وہی پچھلا سا جوش ہے |
| اور آنکھ تیری پھر وہی ساغر بدوش ہے |
| چلنے سے پاؤں ہلتے ہیں ساقی کے بھی یہاں |
| اس موسمِ بہار میں یاں کس کو ہوش ہے |
| جو تھا مسیحا کل یہاں قاتل وہی ہے آج |
| تھا باغباں جو آج وہی گل فروش ہے |
| وہ سازِ دل نواز کا نغمہ ہوا ہے بند |
| توحید کا بھڑکتا سا شعلہ خموش ہے |
| دی ہے تجھے ہی دیدۂ جرأت نگاہِ حق |
| تیرا ہی گوش ثانی یہاں حق نیوش ہے |
| حق جلوہ گر ہوا ہے مگر کیا ہوا تجھے |
| نَے جراتِ نگاہ نہ جوش و خروش ہے |
| پچھلے جہاں میں تجھ کو جو دیکھا تھا ایک بار |
| آ کر کے اس جہاں میں بھی یہ دل بے ہوش ہے |
| سمجھائیں تجھ کو کیا تجھے عقل و دماغ ہے |
| تو دیکھتا نہ سنتا ہے نہ چشم و گوش ہے |
| آنکھوں کے دشت میں نہیں نوروں کا کچھ غبار |
| دریائے دل کی موج ابھی بے خروش ہے |
معلومات