| جسم کے دشت میں ہر سمت کیا سناٹا ہے |
| تم جدا ایسے ہوئے جان جدا ہو جیسے |
| ہم سمجھتے ہی نہیں تم کو تکبر کیوں ہے |
| خود کو سمجھے ہو کہ دنیا کے خدا ہو جیسے |
| یوں لپکتے ہیں مرے نغمۂ پر سوز کی سمت |
| ہر بشر کے لیے یہ میری صدا ہو جیسے |
| مری ہر سانس میں یادوں کی تری ایسی مہک |
| گلشنِ دل میں کوئی پھول کھلا ہو جیسے |
| سازِ دل کیا ہے اسے کوئی سمجھتا ہی نہیں |
| سازِ ہر رنگ میں یہ نغمہ بجا ہو جیسے |
| آ کے یوں چھیڑتی ہے سازِ دلِ خاکستر |
| آپ کے کوچے کی یہ بادِ صبا ہو جیسے |
| تہنیت دیتے ہیں یوں آ کے رقیبانِ حرم |
| اس کے لب پر وہ مری خاص دعا ہو جیسے |
| دل کے دریاؤں میں سیلابِ بلا آیا ہے |
| زلفِ پر پیچ کی یہ چھائی گھٹا ہو جیسے |
| اس کی یادیں مرے دل میں یوں ٹھہر جاتی ہیں |
| دشتِ پر خار میں اک آبلہ پا ہو جیسے |
| اب اٹھانے کو چلا تیرے غموں کا یہ پہاڑ |
| دلِ کمزور سے تنکا بھی اٹھا ہو جیسے |
معلومات