| ستم شعار زمانہ ہے قم باذن اللّٰہ |
| تجھے بھی زور دکھانا ہے قم باذن اللّٰہ |
| شہیدِ وقت! خداوند کا میہماں تو ہے |
| بہشت تیرا ٹھکانہ ہے قم باذن اللّٰہ |
| یہ سنگ باری ہر اک سے تو ہو نہیں سکتی |
| درست تیرا نشانہ ہے قم باذن اللّٰہ |
| حرم میں بت کی نحوست ہے اور تاریکی |
| تجھے چراغ جلانا ہے قم باذن اللّٰہ |
| ہے تیرے ذمے بنائے حرم کی معماری |
| یہ سنگ و خشت اٹھانا ہے قم باذن اللّٰہ |
| ترے لہو کی تمازت سے نسل جاگی ہے |
| لبوں پہ ایک ترانہ ہے: قم باذن اللّٰہ |
| نبیٔ پاک کی امت ہے یہ تری پہچان |
| تجھے یہ بھول نہ جانا ہے قم باذن اللّٰہ |
| شرارِ بولہبی پھر ستیزہ کار ہوا |
| یہ شعلہ تجھ کو بجھانا ہے قم باذن اللّٰہ |
معلومات