| مجھے اب نعت پڑھنے دو |
| کلام :ابوالحسنین محمد فضل رسول رضوی کراچی |
| مفاعیلن مفاعیلن |
| مجھے اب نعت پڑھنے دو |
| دلی نغمات کہنے دو |
| خیالوں میں رہیں آقا |
| مجھے دل پاک رکھنے دو |
| نہ پونچھو اب مرے آنسو |
| مرے اب اشک بہنے دو |
| جدائی زخم دیتی ہے |
| ابھی یہ زخم سہنے دو |
| مٹائیں زخم آقا خود |
| ابھی یہ حال رہنے دو |
| مدینے میں ملے گا چین |
| ابھی تو بس تڑپنے دو |
| وہاں جا کر کریں آرام |
| ابھی ہم کو بلکنے دو |
| لگی ہے آگ جو دل میں |
| اسے اب اور سلگنے دو |
| اٹھاؤ نا مجھے در سے |
| ابھی مجھ کو سنبھلنے دو |
| یہاں مرنا تمنا ہے |
| مدینہ دفن ہونے دو |
| ملائک تم ابھی رک جاؤ |
| پسِ دیدار مرنے دو |
| یہ رضْوِی تو ثنا خواں ہے |
| ثنا خوانی تو کرنے دو |
معلومات