| بسم اللّٰہ الرحمٰن الرحیم |
| صلوا علی الحبیب ※ صلی اللّٰہ تعالیٰ علی محمد |
| رب کے فضل سے مبیں تم حسیں قدیر ہو |
| سارے مُرشِدوں کے تم ہی کمال پیر ہو |
| لوگوں کی نجات کے واسطے کریم نور |
| قادرِ حقیقی کے تم نبیﷺ نذیر ہو |
| بولے ہے خرد یہی جان کر ابھی تلک |
| اللّٰہ کے جہان میں تم تو بے نظیر ہو |
| ڈگمگائے ہی نہیں طوفاں خیز موجوں میں |
| جس کے رب، حبیبﷺ خود بندے کا ظہیر ہو |
| کائنات سے لے کر لامکاں تلک مبیںﷺ |
| اللّٰہ کی عطا سے مصباحﷺ سب خبیر ہو |
| ہے طلب جناب کی بارگاہ میں خودی |
| چاہے شہ ہو یا کوئی شہ کا ہی وزیر ہو |
| یا خدا کرو رضی کی دعا قبول آپ |
| اس کی آل کی زباں سے ثنا کثیر ہو |
معلومات