| دشمنِ دیں سرنگوں ہے اب اپنے ہی ستم سے |
| حق بچا ہے، سر کٹا ہے، پر جھکا نہ تیغ و سَم سے |
| جاں کا سودا کر لیا ہے راہِ حق میں شاہ نے |
| دینِ احمدؐ بچ گیا ہے آپؐ کے نقشِ قدم سے |
| تیر گزرے ہیں گلے سے، ہاتھ بھی زخمی ہوئے |
| مٹ گیا باطل ہمیشہ، سیدِ والا حشم سے |
| خونِ اصغرؓ دے رہا ہے آج بھی یہ ہی گواہی |
| نورِ حق مٹتا نہیں ہے، کفر کے لشکرِ عَدَم سے |
| نیزے پر بھی وہ تلاوت کا سماں روشن رہا |
| خار کھائے ہیں یزیدی، نطقِ شاہِ محترم سے |
| یاد کر اے بوالہوس! تو اپنے اس قصرِ دنا کو |
| خوار و رسوا تو ہوا ہے، حشر تک اپنے رقم سے |
| کربلا کی خاک میں اب تک چھپی ہے وہ تڑپ |
| عشق کا نغمہ جواں ہے، خونِ ناحق کے بہم سے |
| ظلم کے ایوان لرزے دیکھ کر صبر و وفا |
| اہلِ ایماں کب جھکے ہیں، نیزہ و تیرِ ستم سے |
| آج بھی خاکیؔ دلوں کو جوڑتی ہے یہ تڑپ |
| کربلا کی یاد تازہ، ہے جو لبریزِ اَلَم سے |
معلومات