| رہِ افرنگ پہ تو ہی چلا تھا |
| تو ہی تاریکیوں میں اب بسر کر |
| تو کیوں ہے ساغرِ جم کا بھی طالب |
| سفالِ ہند کو ہی جامِ جم کر |
| ہیں قدرت کے بہت سارے نظارے |
| مگر تاریکیوں میں تو بسر کر |
| خیالِ غیر مجھ کو آ رہا ہے |
| تو اپنے گھر سے مجھ کو در بدر کر |
| جہاں کتراتا ہے دار و رسن سے |
| تو ہی دکھلا دے دنیا سے گزر کر |
| کہ اس پردے میں تجھ کو دیکھ پاؤں |
| مجھے بھی اے خدا اہلِ نظر کر |
| ملے دیدارِ حق تجھ کو بھی ثانی |
| تو پہلے آہ میں اپنی سحر کر |
معلومات