| یورپ میں بڑھ رہی ہے یہ موجِ تغیرات |
| نورِ خدا میں ڈھلتے ہیں غربی تصورات |
| دانش گرِ فرنگ سے جا کر کوئی کہے |
| گر سکتا ہے یہ تیری مکارت کا سومنات |
| یہ زہر بیچتا ہے دواؤں کے نام پر |
| ان ہی دواؤں سے تری ہو جائے گی وفات |
| ظلماتِ پر فریب سے بد دل کیوں ہو گئے |
| کیا کہہ رہی ہے صبح یہ کیجیے تو التفات |
| پھر آزرانِ دہر کو اللہ پر یقین |
| بارے بتانِ عقل بدلتے ہیں نظریات |
| پھر سے رواں رواں میں ہے ذاتِ الہ کی گونج |
| غیب و حضور ذات کی دل میں ہے واردات |
| پھر سے بتانِ کفر سے کرنے لگے حذر |
| آئی نظر فرنگ کو اسلام میں نجات |
| کیا انقلاب غرب کی مسجد بھری ہوئی |
| دانش وروں کی ہو گئی بے کار ساری گھات |
| سارے غیوب عقل میں بدلے شہود سے |
| سارے محال ہو گئے نظروں میں ممکنات |
| اصنام ساز اپنی ہی صنعت سے منحرف |
| اللّٰہ کا کرشمہ یا تبلیغی معجزات |
| آباء پرستی کا گرا یہ منہ کے بل ہبل |
| پھر ہوئے پاش پاش یہ تقلید کے منات |
| آئی نظر جو ذروں میں دیکھا ہے غور سے |
| ذروں کی سب جہات میں تکبیرِ شش جہات |
| ہنگامہ روزگار کا بتلاتا ہے اسے |
| سینۂ کاف و نون میں کچھ بھی نہیں ثبات |
| غیب و حضور اپنے وجودوں میں ایک ہیں |
| دل کو نظر نہ آئے تو دل من مقصرات |
| بت کی طرف ہے ہند میں مومن رواں دواں |
| کیوں بڑھ رہے ہیں ہند میں زندیقی حادثات |
| نمرود پھر خلیل کو دیتا ہے آگ میں |
| اب بڑھ رہے ہیں ہند میں سنگھی تخیلات |
معلومات