| یونہی عمریں گزار بیٹھے ہیں |
| بر سرِ دار یار بیٹھے ہیں |
| شاہ کوئی اور تھا چنا ہم نے |
| پھر کیوں یہ شاہکار بیٹھے ہیں |
| کتنے سادہ ہیں کہ محافظ پہ |
| کر کے ہم اعتبار بیٹھے ہیں |
| ہم نے پالا تمام عمر جنہیں |
| بنے پروردگار بیٹھے ہیں |
| انہیں جنگ ہارنے کی عادت تھی |
| اب چناوٴ بھی ہار بیٹھے ہیں |
| ہمیں دشمن بھی کیا ہرائے گا |
| ہم تو اپنوں سے ہار بیٹھے ہیں |
| خوں شہیدوں کا رنگ لائے گا |
| لیے یہ انتظار بیٹھے ہیں |
| کوئی پوچھے یہ آج ظالمؔ سے |
| آپ کیوں اشک بار بیٹھے ہیں |
معلومات