| میری نیت کو کوئی کیا جانے |
| میں ہی جانو یا وہ خدا جانے |
| میرے ظاہر پے بات کر ملّا |
| میرا باطن مرا خدا جانے |
| تم کو حق کس نے دے دیا واعظ |
| عشق لیلیٰ کو تو برا جانے |
| تھا تجلی میں راز کیا پنہاں |
| کیوں تھا موسیٰ بضد خدا جانے |
| عشق میں کیسے جاں لٹا تے ہیں |
| خون روتی وہ کربلا جانے |
| عشق کیا ہے وفا کے کیا معنی |
| غازی جیسا ہی با وفا جانے |
| جس نے کرنا ہے عشق اللہ سے |
| پہلے وہ عشقِ مصطفیٰ جانے |
| تری رحمت کے کیا تقاضے ہیں |
| توبہ کرتی مری خطا جانے |
| نا ہو مایوس مانگ کر رب سے |
| کب کہاں ہوگا کیا عطا جانے |
| زیب و زینت ہے بادشاہوں کی |
| فقر دنیا کو خاکِ پا جانے |
| مرے دل کے شگاف دیکھے وہ |
| مرے دردوں کی جو دوا جانے |
| زیب رہ محو کیف و مستی میں |
| لاکھ دنیا تجھے برا جانے |
معلومات