| اک سوختہ ساماں شہہ فرزند یہ بولا |
| تہذیب و تمدن مرے آباء کا ہے کچھ یاد |
| تقدیر سے میرے تھے یہ شرمندہ ستارے |
| کہ سینۂ گیتی بھی تھا بے نالہ و فریاد |
| ہر ذرہ یہاں تھا مہہِ خورشید جہاں تاب |
| سب رند ہوا میرا کیا رومی کیا بہزاد |
| سب ہی تھے مرے ادنی تراشیدہ سے اصنام |
| تم جس کے پجاری ہوئے کیا مجنوں کیا فرہاد |
| اس مکتبِ شیشہ میں تھے سب میرے ہی شاگرد |
| حتیٰ کہ سکندر کا بھی میں ہی رہا استاد |
| میرے یدِ بیضا سے ہوا موسیٰ منور |
| اپنے دمِ پر سوز سے شعلہ کیا ایجاد |
| بے چارہ بھی بے دردی سے بیمار پڑا تھا |
| میری ہی دواؤں سے مسیحا ہوا کچھ شاد |
| ہیبت سے مری رائی ہوا کوہِ ہمالہ |
| کہ میرے اشاروں میں بھی دکھتا تھا وہ فولاد |
| اک پھونک سے ٹھنڈا کیا آتش کدہ ایران |
| تھا صورِ اسرافیل کہ یزداں کا تھا افتاد |
| سب ساغر و شیشے جو تھے الحاد سے لبریز |
| تھوکر سے ہی مے خانۂ یورپ ہوا برباد |
معلومات