(1)_copy_379x532.jpg)
| خاک کی صورت ہے لیکن کیمیا ہے زندگی |
| بندگی میں ڈھل سکے تو معجزہ ہے زندگی |
| وقت کی لہروں پہ نقشِ آب ہیں سب خواہشیں |
| بحر کی گہرائی میں اک بلبلا ہے زندگی |
| عقل کہتی ہے کہ ہے بس اک سفر بے سمت و راہ |
| عشق کہتا ہے کہ رب کا راستہ ہے زندگی |
| خار و خس کے ڈھیر میں ڈھونڈو نہ اپنا آشیاں |
| مرغِ جاں کے واسطے اک قیدِ پا ہے زندگی |
| خوشنما پردوں میں چھپ کر جینا کتنا سہل تھا |
| بے حجابانہ مگر اک کربلا ہے زندگی |
| سر پہ سورج ہو تو اپنی سمت چلنا سیکھ لے |
| اپنے قدموں کے تلے ہی راستہ ہے زندگی |
| بجھ نہ جائے تند ہوا میں چراغِ آرزو |
| تیرگی میں روشنی کا حوصلہ ہے زندگی |
| لوحِ ہستی پر تحیر سے لکھا ہے خاک نے |
| موت کی آغوش میں اک التجا ہے زندگی |
معلومات