| منقبت در شانِ فاروقِ اعظم رضی اللہ تعالٰی عنہ |
| کلام :ابوالحسنین محمد فضلِ رسول رضوی، کراچی |
| کہوں میں کس زباں سے شانِ فاروقی |
| ہے مطلوبِ نبی ایمانِ فاروقی |
| کریں گے اب نمازیں ہم ادا کُھل کر |
| ہوا سب سے جدا اعلانِ فاروقی |
| کُھلیں آنکھیں سبھی کی دیکھ کر ہِجَْرَت |
| یوں ہِجَْرَت سے عَیاں تھی آنِ فاروقی |
| عَداوت اور مَحَبَّت، دین کی خاطِر |
| یہی تھا بے گُماں پَیمانِ فاروقی |
| کیا باطِل جدا حَق سے زمانے میں |
| رہے گا یوں عَیَاں فُرقانِ فاروقی |
| خُدا کے دین کی خاطِر ڈَٹا رہنا |
| یہی تو تھی بنی پہچانِ فاروقی |
| عَدالت تھی نِرالی سب زمانے سے |
| رہے گا یاد اب ايوانِ فاروقی |
| نبی کو یاد آئی غیرتِ فاروق |
| یہ غيرت ہی تو ہے شایانِ فاروقی |
| رہے گا وہ صداقت کا نشاں بن کر |
| رہا جس ہاتھ میں دامانِ فاروقی |
| کرے سُنِّی ثنا اس کی بیاں ہر دم |
| رہے سُنِّی سدا قربانِ فاروقی |
| ملیں رضْوی ہمیں آیاتِ قرآنی |
| سدا ہم پر رہا احسانِ فاروقی |
معلومات