| سلامیہ اشعار |
| کلام : |
| ابو الحسنین محمد فضل رسول رضوی کراچی |
| مصطفٰی جانِ رحمت پہ لاکھوں سلام |
| شمعِ بزمِ ہدایت پہ لاکھوں سلام |
| اصلِ شجرِ ملاحت پہ لاکھوں درود |
| شمسِ چرخِ صباحت پہ لاکھوں سلام |
| نورِ شمعِ نبوت پہ لاکھوں سلام |
| جانِ بزمِ رسالت پہ لاکھوں سلام |
| مظہرِ اعلیٰ حضرت وہ شیخُ الْحدیث |
| نائبِ اعلیٰ حضرت پہ لاکھوں سلام |
| فضلِ قادر سے ہیں آپ فضلِ رسول |
| نصرتِ دستِ رحمت پہ لاکھوں سلام |
| ربطِ ذاتِ خدا شرحِ عشقِ رسول |
| مرشدی تیری نسبت پہ لاکھوں سلام |
| نظریں جھک جاتی ہیں تیرے ہوتے ہوئے |
| شیشہ روۓ جلالت پہ لاکھوں سلام |
| فضلِ غَوْثُ الوَری پیر فضلِ رسول |
| فضلِ بزمِ طریقت پہ لاکھوں سلام |
| میرے پیرِ طریقت پہ لاکھوں سلام |
| مسکرائے وہ جب جان سی پڑ گئی |
| فیضِ شمسِ طریقت پہ لاکھوں سلام |
| ایسے پیرِ طریقت پہ لاکھوں سلام |
| فیضِ احمد رضا پیر فیضِ رسول |
| فیضِ شمسِ طریقت پہ لاکھوں سلام |
| ایسے شیخِ طریقت پہ لاکھوں سلام |
معلومات