| زینہار تو نہ ڈھونڈنا راہِ فرار دیکھ |
| ہے دفن کون اس میں تو دل کا مزار دیکھ |
| اس بزم رنگ و بو میں تو ہنستا ہے ہر کوئی |
| گر دیکھنا تجھے ہے تو غم کا شرار دیکھ |
| تو دیکھتا ہے صرف شہیدانِ عشق کو |
| اپنی ادا کو دیکھ تو اپنی کٹار دیکھ |
| تیری ادا و ناز کے جلوے ہیں ہر جگہ |
| تو دیکھتا ہے سب کو تو دل کی پکار دیکھ |
| آئینِ دنیا داری و دیں بھی سمجھ گئے |
| میرا بھی حالِ زار کبھی غمگسار دیکھ |
| وعدۂ وصل اس نے کیا مدتوں کے بعد |
| کٹتی ہے کیسے آج شبِ انتظار دیکھ |
| سارے جہاں میں ایک ترا ہی بھروسہ تھا |
| تجھ سے بھی اٹھ چلا ہے مرا اعتبار دیکھ |
| اپنے ستم جیسے تجھے اتنا ناز ہے |
| قدرت کو جیسے تجھ پہ نہیں اختیار دیکھ |
معلومات