حبیب خدا ہیں جنابِ محمدﷺ |
شہ دوسرا ہیں جنابِ محمدﷺ |
سخن ور سخن گو سخن ساز تیرے |
سخن پر فدا ہیں جنابِ محمدﷺ |
خدا وَالّلہ ہرگز نہیں ہاں خدا سے |
مگر کب جدا ہیں جنابِ محمدﷺ |
سخی ہیں وہ ایسے بے مانگے بھی کر تے |
عطا پر عطا ہیں جنابِ محمدﷺ |
سکھاتے ادب جو ترا ہیں وہی تو |
ہمارے رضا ہیں جنابِ محمدﷺ |
مصیبت زدو کیوں پریشاں ہو تم جب |
کہ مشکل کشا ہیں جنابِ محمدﷺ |
مہکتے سدا وہ دہن ہیں ہاں کرتے |
جو تیری ثنا ہیں جنابِ محمدﷺ |
تری شان والا، سفارش کو پھر ہم |
لے آئے رضا ہیں جنابِ محمدﷺ |
کفِ پا ترے چوم کر ہیں جو افضل |
وہ ثور و حرا ہیں جنابِ محمدﷺ |
بفضلِ خدا آپ تو سب سے افضل |
ہاں بعد از خدا ہیں جنابِ محمدﷺ |
مُنَوَّر یہ اشعار کیسے نہ ہوں جب |
سخن کی ضیا ہیں جنابِ محمدﷺ |
معلومات