| رسولِ خدا کی ہے یہ مدحتِ پاک |
| صلی اللہ علیہ وسلم |
| فعولن فعولن فعولن فعولن |
| بچالو مجھے میرے آقا بچالو |
| غموں کے بھنور سے کنارے لگا لو |
| پھنسا ہے سراسر گناہوں میں یہ دل |
| نگاہِ کرم سے اسے تم نکالو |
| کرو اب ذرا مَغْفِرَت کا بَہَانہ |
| برے کاموں کو نامے سے تم مٹا لو |
| کمینی ہے دنیا عداوت دکھاتی |
| حفاظت میں اپنی مجھے تم چھپا لو |
| چھڑا کرسبھی رشتے ناطے جہاں کے |
| شہا بس مجھے اب گدا تم بنا لو |
| نبی تم، سخی تم، ہو نافع، ہو شافع |
| سخاوت شفاعت سے خيرات ڈالو |
| ہو میرے غموں کا مداوا خدا را |
| رخِ نور افزا سے پردہ ہٹا لو |
| یہاں کون پوچھے ہمیں بے کسی میں |
| مدینے میں آقا ہمیں تو بلالو |
| نبھاتے ہو آقا سبھی آپ رشتے |
| غلامی مری کا تو رِشْتَہ سنبھالو |
| یہ رضْوی پڑا ہے درِ پاک پر اب |
| سگانِ کُو میں ہی اسے بھی بٹھالو |
معلومات