| غموں کے عہد میں کوئی تو ہم سے بات کرے |
| نظر ملائے ذرا اور التفات کرے |
| لبِ خموش سے کیا کچھ بیاں نہیں ہوتا |
| میں چاہتا ہوں تو آنکھوں سے دل کی بات کرے |
| مرے وجود میں شامل جو تیری ذات ہوئی |
| یہ دنیا کیسے الگ تیری میری ذات کرے |
| بچھڑ کے تجھ سے ہوں میں نیم جاں مری جاناں |
| مری بھلی ہو طبیعت اگر تو بات کرے |
| ہمارے عشق کی دنیا بھی ہے تذبذب میں |
| کبھی نفی کرے وہ تو کبھی ثبات کرے |
| اسی لیے تو عطائی غزل کمال کی ہے |
| تو لفظ لفظ میں اپنے صنم کی بات کرے |
| عمران عطائی ممبئی |
معلومات