| پھر وہی ظلم کے بازار و گلی کوچے میں |
| حاکمِ وقت کے تیور میں وہ بدلے کی جھلک |
| تاجِ حاکم میں وہی زعم و خدائی کا غرور |
| پھر گلستاں میں بڑھی جاتی ہے شعلوں کی لپک |
| جس طرف دیکھیے آہوں کے شرارے پھوٹے |
| جس جگہ جائیے آہوں کی صدا آتی ہے |
| کس کے پندارِ خدائی نے یہ ڈھائے ہیں ستم |
| لبِ مظلوم پہ یہ کیسی دعا آتی ہے |
| اے خدا تیری خدائی کی قسم ہے تجھ کو |
| تیرے بندوں کو بھی ہوتا ہے خدا کا دعویٰ |
| ان خداؤں نے تو ہم پر وہ ستم ڈھائے ہیں |
| تیرے محشر سے بھی پہلے ہوا محشر برپا |
معلومات