| ان کو ہم اور نہ بھولیں گے ہمارا کیا ہے |
| عشق میں اور بھی رو لیں گے ہمارا کیا ہے |
| ترا پہلو نہ ملا ہو تو کوئی بات نہیں |
| جا کے فٹ پاتھ پہ سو لیں گے ہمارا کیا ہے |
| گر ہمیں چھوڑ کے غیروں سے محبت ہوگی |
| سنگ رقیبوں کے ہی ہو لیں گے ہمارا کیا ہے |
| ہم نے تو اور بھی دل کھویا تھا ان راہوں میں |
| ایک دل اور بھی کھو لیں گے ہمارا کیا ہے |
| بار زلفوں کی بھلا وہ کبھی سہہ پائیں گے |
| جانیں وہ آپ کو جو لیں گے ہمارا کیا ہے |
| اشک بہتا ہے تو بہہ لینے دو روکو نہ اسے |
| داغِ دل اور بھی دھو لیں گے ہمارا کیا ہے |
| حق کے رہبر ہیں تو یہ اپنا بھی حق بنتا ہے |
| ہم تو کچھ اور بھی بو لیں گے ہمارا کیا ہے |
| ہم نے ٹوکا ہے نہ ٹوکتے ہیں نہ ٹوکیں گے کبھی |
| آپ جو چاہیں گے بولیں گے ہمارا کیا ہے |
معلومات