| نشاں زنجیر کا گر کوئی بھی پا جائے ہے مجھ سے |
| ادا مجنونِ ماضی کی وہ یاد آ جائے ہے مجھ سے |
| خدایا یہ ادائیں کیا قیامت ڈھاتی ہیں مجھ پر |
| قصور سب مجھکو دیکر کے بھی شرما جائے ہے مجھ سے |
| پڑا ہوں کب سے اس بت کا سگِ سنگ آستاں ہو کر |
| مگر اس پر بھی وہ کافر یوں جھلا جائے ہے مجھ سے |
| جلایا دامنِ ہر دل کو میرا شعلۂ گفتار |
| جو روح القدس بھی یوں دیکھ گھبرا جائے ہے مجھ سے |
| شرابیں نیم بازوں کی زہر سے کم نہیں لیکن |
| نہ پیا جائے ہے مجھ سے نہ پھینکا جائے ہے مجھ سے |
| بڑھے ہیں ہاتھ خود سے خود مرے نازک حسینوں پر |
| ادھر یہ ناتوانی ہے ادھر وہ خود سپردی ہے |
| نہ روکا جائے ہے ان سے نہ کھینچا جائے ہے مجھ سے |
| پری زادوں کو آئے گا شعور و آگہی تب ہی |
| یہ کارِ عاشقی بھی گر کبھی آ جائے ہے مجھ سے |
| غمِ دل بھی یہ کیسا ہے کوئی پہلو نہیں آرام |
| خدا کا شکر ہے یہ غم بھی چھوٹا ہے مجھ سے |
| قدامت خوب ہے ظالم مگر جدت بھی تو لاؤ |
| تماشائے ستم تو یوں نہ دیکھا جائے ہے مجھ سے |
| خدا معلوم جب کہ لٹ چکی ہیں اپنی سب چیزیں |
| یہ زادِ دل ہی کیوں آخر نہ چھوٹا جائے ہے مجھ سے |
| بیماروں کے معالج کا معالج پھر بھی میں ٹھہرا |
| مسیحا بھی ادائیں اپنی لیتا جائے ہے مجھ سے |
| صدائے لن ترانی سے ہوا مایوس کیوں موسیٰ |
| وہ کوہِ طور تو دیکھو سلگتا جائے ہے مجھ سے |
| تو بد خو بے وفا و شمعِ بے گانی لگا مجھ کو |
| تری حالت مگر کافر نہ دیکھی جائے مجھ سے |
معلومات