| ہمیں سب پتا ہے کہاں شاعری ہے |
| جہاں پر ہے وہ بس وہاں شاعری ہے |
| یہ لفظ و معانی پہ کب منحصر ہے |
| حسینوں کا حسنِ بیاں شاعری ہے |
| میسر ہے تیری نظر جس کسی کو |
| اسی کی نظر میں جواں شاعری ہے |
| چلے آ رہے ہیں زمانے ادھر کو |
| محبت کی جیسے اذاں شاعری ہے |
| مبارک ہو تجھ کو مرے دل مسافر |
| تری منزلوں کا نشاں شاعری ہے |
| الگ ہے حسابوں کتابوں کی دنیا |
| جدا یہ زمان و مکاں شاعری ہے |
| مجھے مار ڈالا تھا دنیا نے افضل |
| ملی مجھ کو لیکن اماں شاعری ہے |
معلومات