| ہم یہ سمجھ رہے تھے وہی آستھا کے مثل |
| دے کورٹ بھاجپا کو حکومت کی باگ ڈور |
| لاٹھی ہے جس کی بھینس اسی کو ملے گی پھر |
| بے چارے بے نوا تو مچاتے رہیں گے شور |
| منصف تو ہے بچارہ یاں ظالم کا اک غلام |
| ہر اک مقام پر ہے چلے حکمِ ظلم و جور |
| پھر کوتوال جرم میں جائے گا جیل بھی |
| بیٹھیں گے اس جگہ پہ سیاست کے سارے چور |
| لاکھوں کو قتل کیجیے شہرت کے واسطے |
| دنیا کے لیڈروں کا یہی رہ گیا ہے طور |
| رنگیں ہے خوں سے لیڈرِ دوراں کی یہ قبا |
| سارے حسین مر گئے حجاج کا ہے دور |
| سیاست میں وہ شرافتیں مفقود ہو گئیں |
| ہے کارگر یہاں پہ درندوں کا سارا زور |
معلومات