| اب تو کوئی ارمان نہیں ہے |
| ان کا جو احسان نہیں ہے |
| یہ کہنا آسان نہیں ہے |
| دل کا تو مہمان نہیں ہے |
| آپ ہیں ناداں جو کہتے ہیں |
| خاموشی طوفان نہیں ہے |
| اپنوں کی اس بدمعاشی میں |
| غیروں کا احسان نہیں ہے |
| رونا تو آسان ہے پیارے |
| چپ ہونا آسان نہیں ہے |
| عشق کی راہوں میں لٹتا جا |
| اس میں کچھ نقصان نہیں ہے |
| آج کے رشتے اتنے سچ ہیں |
| اپنوں کی پہچان نہیں ہے |
| آپ کے دھوکے میں نہ آئے |
| دل اتنا نادان نہیں ہے |
| دل کا غنچہ مرجھایا کیا |
| ہونٹوں پر مسکان نہیں ہے |
| مال و دولت روپیہ پیسہ |
| جینے کا سامان نہیں ہے |
| جس کا تجھ کو ڈر رہتا ہے |
| ویسا میری جان نہیں ہے |
| ساری آسانی ہے مشکل |
| مشکل کیوں آسان نہیں ہے |
| حرکت کر لیں چاہے زبانیں |
| کرنا تو آسان نہیں ہے |
| ساری بلندی تجھ کو مبارک |
| لیکن تو انسان نہیں ہے |
معلومات