| قدم قدم پہ ہے افلاس و بھوک کا غوغا |
| ہر ایک گام پہ لاچار مفلسوں کی صدا |
| کہاں گئے ترے اسمارٹ سٹی کے منصوبے |
| ہیں تن پہ چیتھڑے ،ہے اور تار تار ردا |
| اے سیاسی بازی گرو کیا یہی ترقی ہے |
| بہت ہی خوب ہیں بلیٹ ٹرین کے جلوے |
| مگر یہاں کی ٹرینوں کا حال تو دیکھو |
| ہو تہنیت تمہیں سودا ہوا ہے رافیل کا |
| مگر پرانے جہازوں کا حال تو دیکھو |
| اگر یہی ہے ترقی تو خوب اچھی ہے |
| نظامِ فوج کو برباد پاک کرتا ہے |
| ہوئے ہوں فیل جو طلبہ تو پاک کرتا ہے |
| اگر ہو جام ٹریفک تو پاک کرتا ہے |
| جو گڑبڑی ہو الیکشن میں پاک کرتا ہے |
| جنابِ عالی کی سرکار پھر کیا کرتی ہے |
| گو اپنے خون و لہو سے اگا رہا ہے اناج |
| اگر ہےجینا تو تذلیل جھیلنی ہوگی |
| کسان آج بھی بھوکا ہے پیاسا ننگا ہے |
| بنامِ مذہب و تہذیب روز دنگا ہے |
| شہر شہر یہاں انسانی خوں سے رنگا ہے |
| مرا یہ خلق سے رشتہ تمہاری راہ سے ہے |
معلومات